5 красавіка 2016 г. – 10 гадоў з часу стварэння (2006) Палескага дзяржаўнага ўніверсітэта ў г. Пинску
Палескі дзяржаўны ўніверсітэт быў створаны 5 красавіка 2006 года Указам Прэзідэнта Рэспублікі Беларусь № 230 на базе Пінскага філіяла Беларускага дзяржаўнага эканамічнага ўніверсітэта і Пінскага дзяржаўнага вышэйшага банкаўскага каледжа Нацыянальнага банка Беларусі. 1 верасня 2006 года ва ўрачыстым адкрыцці новага ўніверсітэта прыняў удзел Прэзідэнт Рэспублікі Беларусь А. Г. Лукашэнка.
12 студзеня 2016 года – 435 гадоў з часу атрымання г. Пінскам граматы на Магдэбургскае права (1581)
Кароль польскі і Вялікі князь літоўскі Стэфан Баторый (1533–1586) пажалаваў гораду Пінску магдэбургскае права 12 студзеня 1581 года: “да лепшага дабрабыту і парадку” і гарадскі герб – “лук са стралою, прызначаем і падаем”.
9 лістапада 2015 года – 95 гадоў з дня нараджэння Міхаіла Давыдавіча Шыла (1920–1998), удзельніка Вялікай Айчыннай войны, Героя Савецкага Саюза
Міхаіл Давыдавіч Шыла нарадзіўся 9 лістапада 1920 года ў вёсцы Оўзічы Кобрынскага павета Гродзенскай губерні (цяпер Гарбахскага сельсавета Іванаўскага раёна Брэсцкай вобласці) ў сялянскай сям’і. Жыццё яго не песціла. Калі Міхаілу было пятнаццаць гадоў, памёр бацька. Міхаіл закончыў сем класаў.
28 кастрычніка 2015 г. – 90 гадоў з часу заснавання (1925) Пінскай рымска-каталіцкай епархіі (Пінскай дыяцэзіі,Пінскага біскупства), адміністрацыйна-тэрытарыяльнай адзінкі Рымска-каталіцкай Царквы ў Беларусі (Брэсцкая і Гомельская вобл.)
Пінская рымска-каталіцкая епархія (Пінская дыяцэзія, Пінскае біскупства) – адміністрацыйна-тэрытарыяльная адзінка рымска-каталіцкай царквы ў Беларусі.
2015 г. – 75 гадоў з пачатку работы (1940) адкрытага акцыянернага таварыства “Гідрасельмаш” (Пінск)
Адкрытае акцыянернае таварыства “Гідрасельмаш”, бярэ пачатак ад міжраённай майстэрні капітальнага рамонту, створанай ў г. Пінску Пінскай (цяпер Брэсцкай) вобласці ў 1940 годзе. Тут рамантавалі аўтатранспартныя рухавікі і абсталяванне сельскагаспадарчых прадпрыемстваў. У час Вялікай Айчыннай вайны майстрэні не дзейнічалі, аднавілі сваю працу пасля вайны.
2015 г. – 410 гадоў з дня нараджэння прападобнамучаніка Макарыя (1605–1678), ігумена Пінскага
Прападобнамучанік Макарый Пінскі нарадзіўся ў 1605 годзе ў горадзе Оўруч на Валыні (цяпер Жытомірскай вобласці, Украіна) у набожнай сям’і Такарэўскіх. Бацькі выхоўвалі хлопчыка ў страху Божым, прывівалі любоў да малітвы і храма. Хутка юны падзвіжнік назаўсёды пакінуў бацькоўскі дом і ў 1614 годзе паступіў у Оўруцкі манастыр у гонар Успення Прасвятой Багародзіцы.
2015 г. – 435 гадоў з дня нараджэння прападобнага Лявонція Карповіча (1580–1620), вялікалітоўскага праваслаўнага рэлігійнага дзеяча, першага архімандрыта Віленскага брацкага праваслаўнага манастра Святога Духа
Архімандрыт Лявонцій (Лонгін Фёдаравіч Карповіч) нарадзіўся ў Пінску каля 1580 года (верагодна 31 кастрычніка 1580 г.) у сям’і пінскага пратапопа Фёдара Міхайлавіча Карповіча.
23 ліпеня 2015 г. – 325 гадоў з дня нараджэння Якуба Брэтцара (1690–1733), жывапісца, манументаліста і іканапісца
Якуб Брэтцар (Брэцар, Брэтзер) нарадзіўся 23 ліпеня 1690 года ў горадзе Пінску. У 1712 годзе ўступіў у ордэн езуітаў у Вільні.
2015 г. – 270 гадоў з дня нараджэння Мацея Бутрымовіча (1745–1814), дзяржаўнага дзеяча Рэчы Паспалітай, падстарасты і мечніка Пінскага павета
Матэвуш (Мацей) Бутрымовіч нарадзіўся ў 1745 годзе на Ваўкавышчыне ў шляхецкай сям’і герба Топур. Быў сынам Якуба і Анастазіі. Вучыўся ў школе пры езуіцкім калегіуме ў Пінску.
Красавік 2015 г. – 70 гадоў з часу заснавання (1945) УА «Пінскі дзяржаўны аграрны тэхналагічны каледж»
У апошнія месяцы Вялікай Айчыннай вайны на перапрацоўчых прадпрыемствах Беларусі востра адчуваўся недахоп мясцовых спецыялістаў мясной і малочнай вытворчасцей. У сувязі з гэтым аб’ектыўна паўстала пытанне аб падрыхтоўцы ўласных кадраў.